Fjellstyret kan med heimel i § 36 i fjellova tilsette fjelloppsyn for å føre tilsyn med statsallmenninga. Fjelloppsynets arbeidsoppgåver er nedteikna i ein eigen oppsynsinstruks. Denne er fastsett av Landbruks- og matdepartementet (delegert til Statskog) i samråd med politiet og SNO.

Fjelloppsynet skal:

• utføre nødvendig saksbehandling og administrasjon for fjellstyret

• føre tilsyn med statsallmenninga for staten som grunneigar

• drive informasjon, tilrettelegging, skjøtsel, registreringar og naturovervåking

• utøve tilsyn i høve til privatrettslege og offentleg rettslege reglar på statsallmenning, herunder lover nemnt i lov om statleg naturoppsyn (motorferdselslova, friluftslova, kulturminnelova, innlandsfiskelova, fjellova, viltlova, naturvernlova og deler av forureiningslova)

Fjelloppsynet har politimynde og er underlagt lensmannen i dette arbeidet.